Դորտմունդի «Բորուսիայի» գործադիր տնօրեն Հանս Յոահիմ Վատցկեն հավատում է, որ թիմի հարձակվող Ռոբերտ Լևանդովսկին խաղադաշտում 100 տոկոսով կգործի, հայտնում է գերմանական մամուլը:

Վատցկեի հետ համակարծիք են նաև Լևանդովսկու թիմակիցները:

«Ռոբերտն, իսկապես, հրաշալի բնավորություն ունի, և նա կհամակերպվի, որ պետք է շարունակի հանդես գալ «Բորուսիայի» կազմում: Վստահ եմ, որ նա հաջող մրցաշարջան կանցկացնի մեր թիմում»,- ասել է Վատցկեն:

Հիշեցնենք, որ վերջին մրցաշրջանի ավարտից հետո Լևանդովսկին շատ էր ցանկանում փոխել թիմը և տեղափոխվել Մյունխենի «Բավարիա»: Նա շատ ջանքեր գործադրեց իրադարձությունների նման ընթացքի համար, սակայն «Բորուսիայի» ղեկավարությունն ու մարզչական շտաբը թույլ չտվեցին ֆուտբոլիստին իրագործել իր նպատակները:

armsport.am