Դորտմունդի «Բորուսիայի» պաշտպան Լուկաշ Պիշչեկն ազդրի վիրահատության է ենթարկվել, հայտնում է ակումբի պաշտոնական կայքը:

28-ամյա ֆուտբոլիստը բաց կթողնի մոտավորապես 5 ամիս: Հիշեցնենք, որ վիրահատության անհրաժեշտության մասին հայտնի էր դեռևս Չեմպիոնների լիգայի եզրափակիչ՝ «Բավարիայի» հետ հանդիպումից առաջ, սակայն լեհ ֆուտբոլիստը որոշել էր հետաձգել այն՝ հանուն որոշիչ խաղի մասնակցության:

Անցած մրցաշրջանում Պիշչեկը գերմանական թիմի կազմում անցկացրել է 41 հանդիպում՝ խփելով 2 գոլ:

armsport.am