Դորտմունդի «Բորուսսիայի» կիսապաշտպան Հենրիխ Մխիթարյանը, ով «Լյուցեռնի» դեմ խաղում (4-1) ոտնաթաթի վնասվածք էր ստացել, ենթարկվել է բուժզննման, տեղեկացնում է Bild-ը:

Նշվում է, որ ֆուտբոլիստին լիովին ապաքինվելու համար անհրաժեշտ կլինի առավելագույնը 4 շաբաթ, ինչից հետո նա լիովին պատրաստ կլինի մասնակցելու խաղերին:

Այսպիսով, Մխիթարյանը բաց կթողնի հուլիսի 27-ին կայանալիք Գերմանիայի Սուպերգավաթի խաղը Մյունխենի «Բավարիայի» դեմ:

Ավելացնենք, որ Գերմանիայի Բունդեսլիգայի 2013/14 մրցաշրջանի առաջին տուրում Դորտմունդի «Բորուսսիան» հյուրընկալվելու է «Աուսբուրգին», խաղը տեղի է ունենալու օգոստոսի 10-ին:

ArmFootball.com