Դորտմունդի «Բորուսիայի» գլխավոր մարզիչ Յուրգեն Կլոպը հերքել է այն լուրերը, թե «Ռեալի» գլխավոր մարզիչ Ժոզե Մոուրինյոն իրեն հայտնել է այս մրցաշրջանից հետո «Չելսի» տեղափոխվելու մասին:

«Այս անհավանական լուրն ինչ-որ մեկի հնարածն է: Մոուրինյոն ինձ ոչինչ չի ասել «Չելսի» վերադառնալու կամ այլ ակումբ տեղափոխվելու մասին: Անգամ եթե նա ինչ-որ բան ասած լիներ, ես դա գաղտնի կպահեի», – Կլոպի խոսքերը մեջբերում է TMW-ն:

Նշենք, որ այսօր գերմանական թերթերում լուրեր էին տարածվել, թե ՉԼ կիսաեզրափակչի «Բորուսիայի» հետ հանդիպումից հետո Մոուրինյոն Կլոպի հետ զրույցի ժամանակ խոստովանել է, որ ամռանը կտեղափոխվի «Չելսի»:

sportarmenia.com