Դորտմունդի «Բորուսիայի» հարձակվող Ռոբերտ Լևանդովսկին մտադիր է հերթական մրցաշրջանում ամբողջությամբ կենտրոնանալ իր խաղի վրա և որքան հնարավոր է լավ հանդես գալ, հայտնում են գերմանական լրատվամիջոցները:

Լեհաստանի հավաքականի ֆուտբոլիստը ընդգծել է, որ ինքն այլընտրանք չունի. «Ես պետք է հաշտվեմ այն մտքի հետ, որ մնում եմ Դորտմունդում»։

Հիշեցնենք, որ նախորդ մրցաշրջանի ավարտից հետո, Լևանդովսկին ցանկանում էր փոխել ակումբային գրանցումը և տեղափոխվել Մյունխենի «Բավարիա»: Նա բավականին մեծ ջանքեր էր գործադրել՝ այդ նպատակին հասնելու համար, սակայն «Բորուսիայի» ղեկավարությունը և մարզչական շտաբը թույլ չտվեցին նրան իրականացել իր մտադրությունը: