Դորտմունդի «Բորուսիայի» կիսապաշտպան Սեբաստիան Կեհլը հայտարարվել է, որ մինչ այժմ գտնվում է թիմի հարձակվող Ռոբերտ Լևանդովսկու ցուցադրած խաղի ազդեցության տակ:

«Լևանդովսկուն համարում եմ Եվրոպայի լավագույն հարձակվողը: Չեմպիոնների լիգայի կիսաեզրափակիչում «Ռեալին« խփած 4 գնդակը երազանքի իրականացում է: Անհավատալի է, թե ինչ հեշտությամբ է նա անում ամեն ինչ: Ռոբերտը կարող է փոխել հանդիպման ընթացքը: Կարծում եմ` «Ռեալի» հետ խաղը զգալիորեն բարձրացրել է նրա տրանսֆերային արժեքը: Հուսով եմ` հաջորդ մրցաշրջանում էլ նա կխաղա «Բորուսիայի» կազմում», – Կելի խոսքերը մեջբերում է Goal.com-ը:

Հիշեցնենք, որ ՉԼ կիսաեզրափակիչում «Բորուսիան» Լևանդովսկու պոկերի շնորհիվ 4:1 հաշվով առավելության հասավ «Ռեալի» նկատմամբ:

sportarmenia.com