Դորտմունդի «Բորուսիա»-ի գլխավոր մարզիչ Յուրգեն Կլոպը պատասխանել է Մադրիդի «Ռեալ»-ը գլխավորող Ժոզե Մոուրինյոյին:

ՉԼ կիսաեզրափակիչում կայացած «Ռեալ» - «Բորուսիա» (2:0) խաղից հետո Մոուրինյոն դժգոհել էր հանդիպման գլխավոր մրցավար Հոուարդ Ուեբի կատարած աշխատանքից: Պորտուգալացին հայտարարել էր, որ Ուեբը պետք է կարմիր քարտ ցույց տար Մաց Հյումելսին՝ կոպիտ խաղի համար:

«Չեմ ցանկանում խոսել մրցավարի մասին: Ռոբերտ Լևանդովսկու նկատմամբ բազմաթիվ դրվագներում խախտեցին խաղի կանոնները, որոնց դիմաց մի շարք դեպքերում կարելի էր կարմիր քարտ ցույց տալ: 

Օրինակ՝ Սերխիո Ռամոսը պետք է 7 անգամ դեղին քարտ ստանար»,- Kicker-ը մեջբերում է Կլոպի խոսքերը:

1in.am