Դորտմունդի «Բորուսիայի» գլխավոր մարզիչ Յուրգեն Կլոպը գոհ է իր թիմի նորեկներից, հայտնում են գերմանական լրատվամիջոցները:

Բունդեսլիգայի փոխչեմպիոնն ու Չեմպիոնների լիգայի եզրափակչի մասնակիցը նախորդ շաբաթ՝ հուլիսի 13-ին ընկերական խաղ է անցկացրել թուրքական «Բուրսասպորի» հետ: Դորտմունդցիներն այդ խաղում ջախջախեցին թուրքական ակումբին՝ 4:1 հաշվով: Կլոպը, մասնավորապես առանձնացրել է թիմի նորեկներ Հենրիխ Մխիթարյանին և Օբամեյանգին: Վերջինս այդ խաղում հայ ֆուտբոլիստի փոխանցումից հետո գրավեց մրցակցի դարպասը:

«Իր խաղով՝ Օբամեյանգը գրոհի եզրափակման նոր տարբերակներ է ապահովում թիմի համար: Եվ դա արդեն տեսանելի է:

Ինչ վերաբերում է Մխիթարյանին, ապա, ի թիվս այլ որակների, նա շատ լավ կազմակերպում է թիմի խաղը»,-ասել է Կլոպը:

armsport.am