Հայաստանի հավաքականի ու Դորտմունդի «Բորուսսիայի» կիսապաշտպան Հենրիխ Մխիթարյանը հարցազրույց է տվել հեղինակավոր Kicker պարբերականին:

- Դուք կարծես թե Դորտմունդում հարմարվելու խնդիր չունեք: Իսկապես ամեն ինչ այդքան հե՞շտ ստացվում:

- Ես շատ ուշադիր լսում եմ Յուրգեն Կլոպպին: Սակայն պետք չէ մոռանալ, որ առայժմ ես ընդամենը մի քանի մարզումներ եմ անցկացրել ու երկու հանդիպում անցկացրել:

- Դուք հայտարարեցիք, որ սրտով եք ընտրել «Բորուսսիան»: Ի՞նչ դեր է խաղացել այդ ընտրության մեջ Յուրգեն Կլոպպը:

- Շատ մեծ դեր ունի: Նա գերազանց մարզիչ է: Ու գիտեմ, որ «Բորուսսիան» շատ լավ ու պրոֆեսիոնալ թիմ է:

- Չեմպիոնների լիգայի փլեյ-օֆֆում «Շախտյորի» կազմում խաղացել ես Դորտմունդում: «Բորուսսիայի» ֆուտբոլիստբերից ու՞մ կառանձնացնես:

- Ամբողջ թիմին: Չեմ ուզում մեկին առանձնացնել: Բոլորն էլ լավ խաղացին:

- Ուկրաինայի վերջին առաջնությունում 29 խաղում դարձել ես 25 գոլի հեղինակ: Դու քեզ հարձակվո՞ղ ես համարում, թե՞ կիսապաշտպան:

- Սկզբում խաղում եմ 10 համարի դիրքում: Խաղի ընթացքում շատ եմ տեղաշարժվում: Կարող եմ նահանջել, կամ էլ հայտնվել հարձակման գծում:

- Դուք 4 անգամ դարձել եք Հայաստանի չեմպիոն, երեք անգամ` Ուկրաինայի չեմպիոն: Տիտղոսները կարծես թե հետապնդում են Ձեզ:

- Մեծ հաճույք է հաղթել թիմի հետ: Ֆուտբոլ խաղում են հաղթելու համար: Լավ է, երբ դուք շարժառիթ ունեք: Պետք է ամեն ինչ անել տիտղոսներ նվաճելու համար:

- Բացի ֆուտբոլից, ինչո՞վ եք սիրում զբաղվել:

- Սիրում եմ թատրոն կամ կինո հաճախել: երբեմն փոփոխությունների կարիք եմ զգում: Բայց միշտ ինչ-որ բանով զբաղված եմ լինում: Երբեմն պարզապես հանգստանում եմ տանը:

ArmFootball.com