Ամստերդամի «Այաքսի» կիսապաշտպան Քրիստիան Էրիքսենը, ում անունը վերջին շրջանում կապում են անգլիական «Լիվերպուլի» հետ, հայտնվել է Դորտմունդի «Բորուսիայի» հետաքրքրությունների շարքում, տեղեկացնում է Goal.com-ը:

Գերմանացիները ցանկանում են ձեռք բերել Դանիայի ազգային հավաքականի ֆուտբոլիստին, որպեսզի վերջինս փոխարինի թիմից հեռացող Մարիո Գյոտցեին:

Ավելացնենք, որ «Այաքսի» տեխնիկական տնօրեն Մարկ Օվերմարսը հաստատել է, որ ֆուտբոլիստն ամառային տրանսֆերային պատուհանի ընթացքում փոխելու է թիմը.

- Քրիստիանը մեզ ասել է, որ չի պատրաստվում նոր պայմանագիր կնքել: Ես կարծում եմ, որ նա գործակալի հետ կքննարկի ստացվող բոլոր առաջարկները,- ասել է պաշտոնյան:

ArmFootball.com