Դորտմունդի «Բորուսիայի» կիսապաշտպան Մարիո Գյոտցեն իր թիմին այլևս չի օգնի Բունդեսլիգայում։

Հիշեցենք, որ երիտասարդ ֆուտբոլիստը Չեմպիոնների լիգայի կիսաեզրափակչում աջ կոնքի վնասվածք էր ստացել։

Բուժզննումը հաստատել է նախնական ախտորոշումը։ Ակումբը հույս չունի, որ գերմանացի ֆուտբոլիստը կօգնի թիմին Բունդեսլիգայում, սակայն Մարիոն կարող է վերականգնվել Չեմպիոնների լիգայի եզրափակչին, որը տեղի կունենա մայիսի 25-ին։

Նշենք, որ վաղը «Բորուսիան» Գերմանիայի առաջնության շրջանակներում կխաղա «Բավարիայի» հետ։

Այս մասին հաղորդում է գերմանական ակումբի պաշտոնական կայքը։

sportarmenia.com