«Բավարիայի» պատվավոր նախագահ Ֆրանս Բեկենբաուերը վստահ է, թե ով է լինելու իրենց թիմի գլխավոր մրցակիցը Բունդեսլիգայի մեկնարկելիք մրցաշրջանում, հայտնում է գերմանական մամուլը։

Լեգենդար գերմանացին «Բավարիայի» գլխավոր հակառակորդ է տեսնում Դորտմունդի «Բորուսիային»։

«Ակնհայտ է, որ ստիպված ենք լինելու մրցակցել «Բորուսիայի» հետ։ Թիմն այս ընթացքում ուժեղ համալրում է ստացել, չնայած դորտմունդցիների նորեկներից և ոչ մեկի անունը չեմ կարող արտասանել։

Արդյո՞ք, հայ ֆուտբոլիստը (Հենրիխ Մխիթարյանը-խմբ.) կկարողանա փոխարինել Մարիո Գյոտցեին, առայժմ հարց է։ Համենայն դեպս, նրանք բոլորն էլ՝ ընդունել են մարտահրավերը»,-հայտարարել է Բեկենբաուերը։

armsport.am