«Բարսելոնայի» մարզչական շտաբը հետաքրքրված է Դորտմունդի «Բորուսիայի» կիսապաշտպան Մարկո Ռոյսի ծառայություններով, հայտնում է իսպանական մամուլը:

Գերմանիայի ազգային հավաքականի ֆուտբոլիստի ծառայություններով հետաքրքրված լինելն անմիջականորեն կապված է «կապտանռնագույնների» կիսապաշտպան Սեսկ Ֆաբրեգասի հետ, ում հավակնում է ձեռք բերել անգլիական «Մանչեսթեր Յունայթեդը»:

Չնայած այն հանգամանքին, որ կատալոնական ակումբը հրաժարվել է բանակցել անգլիացիների հետ, իսպանական գրանդում չեն բացառում, որ Ֆաբրեգասը կարող է լքել թիմը:

«Բարսելոնայում» կարծում են, որ Ֆաբրեգասի համար լավագույն այլընտրանքը հենց Ռոյսն է: Ճիշտ է, հարկ է նշել, որ դորտմունդցիների գլխավոր մարզիչ Յուրգեն Կլոպը ոչ մի դեպքում մտադիր չէ բաժանվել ֆուտբոլիստից:

armsport.am